میانمار: زلزلے میں ہلاکتوں کی تعداد 2700 سے تجاوز،سینکڑوں لاپتہ

میانمار میں زلزلےسے ہلاکتوںکی تعداد 2 ہزار 719 ہوگئیں،جبکہ ابھی تک 400 سے زائد افراد لا پتہ ہے۔
غیر ملکی خبرایجنسی کے مطابق میانمارمیں گزشتہ دنوں آنے والے زلزلے سے ہونے والی اموات میں مزید اضافہ ہوگیا ہے اور ہلاکتوں کی تعداد اب 2 ہزار 700 سے تجاوز کر گئی ہے۔
رپورٹس کے مطابق  زلزلےسے 4 ہزار 521 افراد زخمی بھی ہوئے جبکہ 400 سے زائد لوگ لاپتہ ہیں جن کی تلاش جاری ہے۔
اس حوالے سے میانمار کے آرمی چیف کا کہنا ہے کہ زلزلےسےاموات کی تعداد 3 ہزارسے زائد ہونےکاخدشہ ہے۔ 
واضح رہے میانمار میں 28 مارچ کو 7.7 شدت کا زلزلہ آیا تھا جبکہ زلزلے کا مرکز میانمار کے شہر منڈالے سے 17.2 کلومیٹر کے فاصلے پر تھا۔
دوسری جانب پاکستان نے میانمار میں زلزلہ متاثرین کے لیے امدادی سامان روانہ کر دیا ہے، وزیر اعظم شہباز شریف نے اپنے بیان میں کہا کہ مشکل کی اس گھڑی میں برما کی حکومت اور متاثرین کے ساتھ کھڑے ہیں۔