مفتی قوی نے عید پر راکھی ساونت کو کیا پیغام بھیجا؟

بالی ووڈ کی معروف اداکارہ اور رقاصہ راکھی ساونت سے شادی کی خواہش رکھنے والے مفتی قوی نے عید کے موقع پر بھارتی اداکارہ کے لیے ایک خصوصی پیغام جاری کردیا۔
حال ہی میں مفتی قوی کا ایک انٹرویو سامنے آیا ہے جس کا مختصر ویڈیو کلپ سوشل میڈیا پر وائرل ہورہا ہے،جس میں مفتی قوی نے راکھی ساونت کو محبت بھرا پیغام دیتے ہوئے کہا کہ فاطمہ بنو یا راکھی بنو، مفتی قوی کی جیون ساتھی بنو۔ 
انٹرویو میں مفتی قوی نے کہا کہ راکھی ساونت کے لیے محبت کے پیغامات تو بہت بھیجے ہیں لیکن ابھی عیدی دینے کا کوئی پروگرام نہیں ہے۔
خیال رہے کہ راکھی ساونت نے اس سے قبل پاکستانی لڑکے سے شادی کرنے کی خواہش ظاہر کی تھی جس پر مفتی قوی نے نہ صرف شادی کی پیشکش کی بلکہ کروڑوں روپے کے تحائف دینے کا وعدہ بھی کیا تھا۔