نیوزی لینڈ کے خلاف پہلے ون ڈے میں سلو اوور ریٹ پر پاکستانی ٹیم پر جرمانہ عائد

دبئی: نیوزی لینڈ کے خلاف پہلے ون ڈے میں سلو اوور ریٹ پرآئی سی سی نے پاکستانی ٹیم پر جرمانہ عائد کردیا ۔
آئی سی سی کے مطابق قومی ٹیم پر مقررہ وقت میں 2 اوور کم کرائے جس کی وجہ سے قومی ٹیم پر میچ فیس کا 10 فیصد جرمانہ عائد کیا گیا ہے۔
یہ فیصلہ میچ ریفری کی جانب سے کیا گیا، جو انٹرنیشنل کرکٹ کونسل (آئی سی سی) کے قوانین کے تحت سلو اوور ریٹ پر جرمانہ عائد کرنے کے مجاز ہیں۔
خیال رہے کہ ہفتے کے روز کھیلے جانے والے ون ڈے سیریز کے پہلے میچ میں نیوزی لینڈ نے پاکستان کو 73 رنز سے شکست دے دی تھی۔
3 ون ڈے میچز کی سیریز کا دوسرا میچ کل جبکہ تیسرا اور آخری میچ 5 اپریل کو کھیلا جائے گا۔