آذربائیجان کے صدر رواں ماہ پاکستان کادورہ کریں گے،اہم معاہدے متوقع

اسلام آباد: آذربائیجان کے صدر الہام علیوف رواں ماہ پاکستان کا دورہ کریں گے ،دورے کے دوران دونوں ممالک کے مابین اہم معاہدوں پر دستخط متوقع ہے۔
تفصیلات کے مطابق آذری صدر 26 یا 27 اپریل کو پاکستان کا دورہ کریں گے۔
صدر الہام علیوف کے دورے کے دوران موٹر وے M-6، M-9 اور پیٹرولیم سیکٹر میں سرمایہ کاری سے متعلق اہم معاہدے متوقع ہیں۔
اس حوالے سے معاہدوں کو حتمی شکل دینے کے لیے آذربائیجان کے وزیر معیشت میکائیل جبا روف 8 اپریل کو اسلام آباد پہنچیں گے۔
حکومتی ذرائع کے مطابق دونوں ممالک کے درمیان اقتصادی تعاون کے فروغ کے لیے یہ دورہ اہم تصور کیا جا رہا ہے۔