چاہت فتح علی خان نے اپنا نیا انگلش گانا ریلیز کر دیا

لاہور: بدوبدی گانے سے مشہور ہونے والے خود ساختہ گلوکار چاہت فتح علی خان نے پنجابی اور اردو گانوں کے بعد اپنی موسیقی کا رخ انگلش گانوں کہ طرف موڑ لیا ہے۔
مزاحیہ گلوکار چاہت فتح علی خان نے اپنے یوٹیوب چینل سے نیا گانا ’’یس آئی نو‘‘  (yes i know) جاری کیا ہے ، جو  ہمیشہ کی طرح اپنے منفرد  انداز، لیئرکس اور کمپوزیشن کی وجہ سے مداحوں کیلئے انٹرٹینمنٹ کا مرکز بن گیا ہے ۔
گانے میں مزاحیہ گلوکار ساحل سمندر پر رقص کرتے ہوئے گانے کے بول دہرا رہے ہیں، ان کے  گانے کو اب تک ہزاروں لوگ دیکھ چکے ہیں۔
دوسری جانب گلوکار کے یوٹیوب چینل پر مداحوں کی جانب سے خوب تبصرے بھی کئے جا رہے ہیں، کچھ لوگ گانے سے لطف اندوز ہورہے ہیں تو کچھ تبصرے کی سیکشن میں کیے گئے مداحوں کی تجزیئے اور تجاویز کو لے کر خود کو انٹرٹین کر رہے ہیں۔