امیر جماعت اسلامی کا بجلی کی قیمتوں میں کمی پر وزیراعظم کا شکریہ

امیر جماعت اسلامی حافظ نعیم الرحمان نے وزیراعظم محمد شہباز شریف کو ٹیلی فون کیا اور بجلی کی قیمتوں میں کمی کے حالیہ اعلان پر ان کا شکریہ ادا کیا ہے۔

وزیراعظم نے اس اقدام کا خیرمقدم کیا اور حکومت کی اولین ترجیح کے طور پر عام آدمی کو ریلیف فراہم کرنے کی پالیسی کو جاری رکھنے کے عزم کا اظہار کیا۔

گفتگو کے دوران دونوں رہنماؤں نے غزہ میں نہتے فلسطینیوں پر اسرائیلی بلا اشتعال بمباری اور ان مظالم پر عالمی طاقتوں کی خاموشی پر گہری تشویش کا اظہار کیا۔

انہوں نے کہا کہ پاکستان کی ترقی کا سفر جاری رہے گا ، وزیراعظم نے اس بات کا اعادہ کیا کہ پاکستان غزہ میں جاری اسرائیلی دہشت گردی کے خلاف ہر عالمی فورم پر آواز اٹھاتا رہے گا۔

انہوں نے کہا کہ اسرائیلی ظلم و ستم کا شکار نہتے فلسطینیوں کی حمایت کے حوالے سے پاکستان کا موقف واضح ہے۔