پنجاب حکومت کی جانب سے صوبے بھر میں نئے سہولت بازاروں کے قیام کی منظوری

وزیراعلیٰ پنجاب مریم نوازشریف نے صوبے بھر میں نئے سہولت بازاروں کے قیام کی منظوری دی ہے۔

انہوں نے لاہور میں ایک اجلاس کی صدارت کرتے ہوئے اس سلسلے میں ایک جامع لائحہ عمل تشکیل دینے اور تیرہ نئے سہولت بازاروں کی تکمیل کیلئے اگست کی ڈیڈ لائن دی ہے۔

انہوں نے سہولت بازاروں کو شمسی توانائی پرمنتقل کرنے کیلئے انہتر کروڑ روپے کی منظوری بھی دی۔

وزیراعلیٰ نے رحیم یار خان ، بہاولنگر ، اٹک اور مری میں سہولت بازار کے قیام کیلئے اراضی مختص کرنے کے عمل کو جلد مکمل کرنے کا حکم دیا۔