یونان میں غیر قانونی تارکین وطن کی ایک اور کشتی الٹ گئی، ایک شخص ہلاک، 39 ریسکیو

ایتھنز: مشرقی یورپ کے ملک یونان میں غیر قانونی تارکینِ وطن کو لے جانے والی ایک اور کشتی حادثے کا شکار ہو گئی
عالمی میڈیا کے مطابق کشتی حادثے میں ایک افراد ہلاک جبکہ 39 افراد کو زندہ بچا لیا گیا۔
میڈیا رپورٹس کے مطابق ترکیہ سے روانہ ہونے والی ایک ربڑ بوٹ (رافٹ) یونانی جزیرے کاستیلوریزو پہنچنے کی کوشش کے دوران ڈوب گئی،کشتی میں 40 افراد سوار تھے جن میں 13 معصوم بچے بھی شامل تھے۔
دوسری جانب یونانی کوسٹ گارڈ حکام کا کہنا ہے لکہ حادثے کے فوری بعد ریسکیو آپریشن کیا گیا جس میں 38 تارکین وطن اور ایک انسانی اسمگلر کو زندہ بچا لیا گیا، جبکہ ایک شخص کی لاش سمندر سے نکال لی گئی۔
تاہم حکام نے ڈوبنے والے شخص کی قومیت، جنس یا عمر کے بارے میں معلومات فراہم نہیں کی گئیں۔
یونانی حکام کا کہنا ہے کہ ربڑ کی کشتی میں صرف 8 سے 10 افراد کی گنجائش تھی، لیکن انسانی اسمگلر نے زیادہ منافع کے لالچ میں 40 افراد کو سوار کرا دیا،اور اس دوران انہوں نے نہ تو کسی کو لائف جیکٹ دی گئی اور نہ ہی کشتی میں زندگی بچانے کا کوئی سامان موجود تھا۔
واضح رہے کہ یونانی جزیرہ کاستیلوریزو ترکیہ کی سرزمین سے صرف 3 کلومیٹر کے فاصلے پر واقع ہے اور حالیہ دنوں میں یہاں غیر قانونی تارکینِ وطن کی آمد میں نمایاں اضافہ دیکھا گیا ہے۔
اس واقعے کے بعد یونانی حکام نے ایک دفعہ پھر انسانی اسمگلروں کے خلاف سخت سے سخت قانونی کارروائی کرنے کا مطالبہ کیا ہے۔