چوری کا انوکھا واقعہ، عاشق نے سابقہ گرل فرینڈ کی مرغی اغوا کرلی

امریکہ میں چوری کا ایک انوکھا واقعہ پیش آیا جہاں ایک شخص نے اپنی سابقہ گرل فرینڈ کی مرغی چوری کرلی۔
امریکی میڈیا کے مطابق یہ واقعہ ریاست واشنگٹن کی کِٹساپ کاؤنٹی میں پیش آیا جہاں 50 سالہ شخص نے اپنی سابقہ گرل فرینڈ کے پالتو جانور کو چوری کرلیا۔
میڈیا رپورٹس کا کہنا ہے کہ خاتون نے پالتو جانور کے طور پر گھر میں ایک مرغی پال رکھی تھی جس کا نام ’’پولی‘‘ تھا۔
مرغی چوری ہونے کے بعد خاتون کی جانب سےپولیس کو شکایت کی گئی اور بتایا کہ ان کا سابق بوائے فرینڈ گھر میں داخل ہوا اور اس نے گھر کے پچھلے دروازے پر لات ماری اور میری مرغی چوری کرلی،خاتون کا کہنا تھا کہ مرغی چوری کرتے ہوئے وہ شخص بار بار بول رہا تھاکہ ’’مجھے پولی مل گئی‘‘۔
ووسری جانب خاتون کی شکایت پرپولیس نے فوری کارروائی کرتے ہوئے قریبی جھاڑیوں میں چھپے 50 سالہ شخص کو تلاش کرلیا گیا۔
پولیس نے مزید  بتایا کہ گرفتار ہونے سے قبل ملزم روتے ہوئے بار بار بول رہا تھا کہ اس مرغی کو نقصان نہ پہنچایا جائے جس کی یقین دہانی کے بعد ملزم کو گرفتار کرلیا گیا اور خاتون کو اس مرغی واپس کردی گئی جبکہ ملزم کو کچھ دیر حراست میں رکھنے کے بعد چھوڑ دیا گیا۔
اس عجیب و غریب واقعہ نے ایک طرف جہاں لوگوں کو ہنسی کا موقع دیا، وہیں یہ اس بات کا بھی گواہ ہے کہ کبھی کبھار انسانی جذبات اور رشتہ کی پیچیدگیاں ایسی ہی غیر معمولی صورتحال پیدا کر دیتی ہیں۔