امریکہ میں ایک اور طیارے کو حادثہ،سابق MIT ایتھلیٹ کرینا گروف خاندان سمیت جاں بحق

نیویارک: امریکہ کے شہر نیویارک میں ایک اور طیارہ حادثے کا شکا ر ہو گیا جس کے نتیجے میں سابق MIT فٹبال پلیئر اور 2022 کی NCAA وومن آف دی ایئر کرینا گروف اپنے خاندان کے پانچ افراد سمیت جاں بحق ہو گئیں۔
امریکی میڈیا کے مطابق یہ حادثہ کوپیک نامی دیہی علاقے میں پیش آیا، جہاں Mitsubishi MU-2B نامی دو انجنوں والا چھوٹا طیارہ ایک کھیت میں گر کر تباہ ہو گیا۔
رپورٹس میں مزید بتایا گیا کہ حادثے میں ہلاک ہونے والوں میں کرینا کی والدہ ڈاکٹر جوئے سینی، بھائی جیرڈ گروف، جیرڈ کی ساتھی الیکسیا، اور کرینا کے بوائے فرینڈ جیمز سانٹورو شامل تھے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by WCVB News Center 5 (@wcvb5)

 یہ تمام افراد فیملی گیٹ ٹوگیدر اور سالگرہ منانے جا رہے تھے، طیارہ کرینا کے والد ڈاکٹر مائیکل گروف چلا رہے تھے،نیشنل ٹرانسپورٹیشن سیفٹی بورڈ کے مطابق پائلٹ نے لینڈنگ میں ناکامی کی اطلاع دی تھی، جس کے بعد ایئر کنٹرول نے لو ایلٹیٹیوڈ الرٹ جاری کیا، مگر پھر کوئی رابطہ نہ ہو سکا۔
ابتدائی تحقیقات کے مطابق طیارہ تیز رفتاری سے زمین سے ٹکرایا، اور حادثے سے قبل کوئی ایمرجنسی سگنل بھی موصول نہیں ہوا۔ خراب موسم یا مکینیکل فیلئر کو ابھی خارج از امکان نہیں قرار دیا گیا۔