مالی سال 26-2025کا بجٹ کب پیش کیا جائے گا؟ متوقع تاریخ سامنے آ گئی

اسلام آباد: مالی سال 26-2025کا بجٹ کب پیش کیا جائے گا اس حوالے سے متوقع تاریخ سامنے آ گئی۔
ذرائع کے مطابق مالی سال 26-2025 کا بجٹ عید سے چند روز قبل جون کے پہلے ہفتے میں پیش کیےجانے کا امکان ہے۔
اس حوالے سے ذرائع وزارت خزانہ کی جانب سے بتایا گیا ہے کہ عیدالاضحیٰ کے پیش نظر پارلیمنٹ کا بجٹ اجلاس قبل از وقت بلانے کی تجویز پیش کی گئی ہے۔
ذرائع وزارت خزانہ کا مزید کہنا ہے کہ نیا بجٹ 5 جون سے پہلے پارلیمنٹ میں پیش ہو سکتا ہے، نئے بجٹ کی منظوری کا عمل عید کی چھٹیوں کے فوری بعد شروع کر دیا جائے گا۔
ذرائع وزارت خزانہ کا مزید کہنا ہے کہ آئی ایم ایف کے ساتھ نئے مالی سال کے بجٹ پر مشاورت کی جائے گی،جس کے لیے آئی ایم ایف کا مشن مئی کے دوسرے ہفتے کے دوران پاکستان پہنچے گا، بجٹ اہداف پر آئی ایم ایف سے منظوری لی جائے گی۔