ڈونلڈ ٹرمپ کی پالیسیوں کیخلاف مختلف ریاستوں میں احتجاجی مظاہروں کا سلسلہ جاری

نیویارک: امریکی صدر ڈونلڈ ٹرمپ کی پالیسیوں کے خلاف مختلف شہروں اورریاستوںمیں احتجاجی مظاہروں کا سلسلہ جاری ہے۔
غیر ملکی میڈیا کے مطابق صدر ٹرمپ کی پالیسیوں کے خلاف واشنگٹن ڈی سی میں بھی مظاہرین بڑی جمع ہونا شروع ہو گئے ہیں جبکہ نیویارک، فلوریڈا سمیت مختلف مقامات پر مظاہرین اپنا احتجاج ریکارڈ کروا رہے ہیں۔

نیو یارک میں لوگ شہر کی مرکزی لائبریری کے باہر جمع ہوئے، جنہوں نے بینرز اٹھائے ہوئے تھے جس پر ’امریکا میں کوئی بادشاہ نہیں‘ اور ’ظلم کے خلاف مزاحمت‘ جیسے نعرے درج تھے۔
امریکی میڈیا کے مطابق واشنگٹن سمیت امریکا کے دیگر شہروں میں ڈونلڈ ٹرمپ مخالف مظاہروں کی کال 50501 موومنٹ نے دی ہے،50501 کا مطلب پچاس امریکی ریاستوں میں پچاس مظاہروں کی ایک تحریک ہے۔
منتظمین کا کہنا ہے کہ ڈونلڈ ٹرمپ انتظامیہ کے غیر جمہوری، غیر قانونی اقدامات پر احتجاجی مظاہروں کی کال دی گئی ہے۔