نیتن یاہو کی ہٹ دھرمی برقرار، حماس کے خاتمے تک جنگ جاری رکھنے کا اعلان

اسرائیلی وزیراعظم نیتن یاہو نے ہٹ دھرمی برقرار رکھتے ہوئے کہا ہے کہ  اگر ہم فلسطینی مزاحمتی تنظیم حماس کے مطالبات کے سامنےجھک گئے تو غزہ میں دوبارہ جنگ نہیں کر سکیں گے۔

50 ہزار سے زائد فلسطینیوں کو شہید کرنے والے ہٹ دھرم اسرائیلی وزیراعظم کا کہنا تھا مزید کہنا تھا کہ ہم اس جنگ کا خاتمہ اس وقت تک نہیں کریں گے جب تک حماس کوختم نہ کردیں۔

نیتن یاہو کا کہنا تھا غزہ میں حماس کی حکومت کا برقرار رہنا اسرائیل کے لیے بہت بڑی شکست ہوگی، ایسی شرائط پرجنگ کا خاتمہ پیغام دےگا کہ اغوا کاری کے ذریعےاسرائیل کو جھکایا جا سکتا ہے۔

اسرائیلی وزیر اعظم کا کہنا تھا جب تک تمام مغویوں کو واپس نہ لے آئیں،جنگ کو ختم نہیں کریں گے، حماس کی شرائط پر جنگ ختم کرنےکا کہنے والے اسرائیلی دانشور حماس کا پروپیگنڈا دہرا رہے ہیں۔

تل ابیب سمیت کئی شہروں میں لاکھوں شہری سڑکوں پر نکل آئے اور نیتن یاہو کے خلاف شدید نعرے بازی کی۔ مظاہرین نے غزہ میں فوری جنگ بندی کا مطالبہ کیا، جبکہ کئی مقامات پر پولیس اور مظاہرین کے درمیان جھڑپیں بھی ہوئیں، جن میں متعدد افراد زخمی ہو گئے۔

ادھر غزہ جنگ کے خاتمے کے لیے عوامی دباؤ میں مزید اضافہ ہو رہا ہے۔ عرب میڈیا کے مطابق اب تک 1 لاکھ 38 ہزار اسرائیلی شہری غزہ جنگ بندی کی پیٹیشن پر دستخط کر چکے ہیں، جن میں 1 لاکھ 27 ہزار 255 عام شہری اور 11 ہزار 179 فوجی اہلکار شامل ہیں۔