آئندہ مالی سال 2025/26 کے لیےوفاقی بجٹ خسارہ7 ہزار 222 ارب رہنے کا امکان

وزارت خزانہ نےیکم جولائی سےشروع ہونےوالےآئندہ مالی سال 2025/26 کے لیےوفاقی بجٹ خسارے کا تخمینہ 7 ہزار 222 ارب روپے لگایا ہے، صوبائی سرپلس کیلئے1360 ارب ، مجموعی بجٹ خسارے کا تخمینہ کم ہوکر 5ہزار 862ارب روپے یا جی ڈی پی4.4فیصد رہ جائیگا -

آئندہ مالی سال سودکی ادائیگی کے بعدوفاق کےپاس ترقیاتی منصوبوں، دفاع ،تنخواہوں،پینشن،سبسڈیز اور گرانٹس سمیت دیگر تمام اخراجات کےلیے صرف 2 ہزار 225 ارب روپےبچنے کا تخمینہ ہےجس کےنتیجے میں وفاقی حکومت کواخراجات پورا کرنے کیلئے قرضوں پر انحصار کرنا پڑسکتا ہے۔

ذرائع کےمطابق آئندہ مالی سال کے لیے وفاقی بجٹ خسارےکاتخمینہ 7ہزار 222ارب روپے یا جی ڈی پی کے5 اعشاریہ 5 فیصد لگایا گیا ہے تاہم صوبائی سرپلس کے لیے 1 ہزار 360 ارب روپے کا تخمینہ ہےاور صوبائی سرپلس شامل کرکے مجموعی بجٹ خسارے کا تخمینہ کم ہوکر 5 ہزار 862 ارب روپے یا جی ڈی پی کے 4اعشاریہ 4فیصد رہ جائے گا-

آئندہ مالی سال کے لیے وفاقی حکومت کی مجموعی آمدنی کا تخمینہ 19ہزار111ارب روپے ہےجس میں ایف بی آرکی ٹیکس آمدنی 15ہزار270ارب اور3ہزار 841 ارب روپےکی نان ٹیکس آمدنی کا تخمینہ ہےتاہم این ایف سی ایوارڈ کےتحت صوبوں کو ایف بی آر کی ٹیکس وصولیوں میں سے8 ہزار780ارب روپےکی منتقلی کے بعد وفاقی حکومت کےپاس خالص آمدنی 10 ہزار 331ارب روپےرہ جانےکا تخمینہ ہے اور خالص آمدنی میں سودکی مد میں8ہزار106ارب روپےکی ادائیگی کےبعد یعنی وفاق کےپاس باقی تمام اخراجات کےلیےمحض2ہزار225ارب روپے ہی بچ سکیں گے.

 ذرائع وزارت خزانہ کاکہنا ہےکہ آئندہ مالی سال وفاقی حکومت کےمجموعی اخراجات کاتخمینہ17ہزار 553 ارب روپےلگایا گیا ہےجس میں سب زیادہ سود کی ادائیگی کے اخراجات کے لئےلگایا گیا ہے،باقی اخراجات میں دفاع،پینشن، تنخواہیں،ترقیاتی بجٹ، سبسڈیز اور گرانٹس سمیت دیگر شامل ہیں۔