پی ایس ایل : پشاور زلمی نے ملتان سلطانز کوبا آسانی 7 وکٹوں سے شکست دیدی

ملتان: پاکستان سپرلیگ(پی ایس ایل )کے کے 26ویں میچ میں پشاور زلمی نے ملتان سلطانز کو آسانی سے 7 وکٹوں سے شکست دے دی۔
ملتان سلطانز کی جانب سے 109 رنز کا ہدف پشاور زلمی نے باآسانی13 اوورز میں 7 وکٹوں کے نقصان پر حاصل کر لیا۔
پشاو ر کی جانب سے صائم ایوب نے شاندار بلے بازی کا مظاہرہ کرتے ہوئے 49 رنز کی اننگز کھیلی،جبکہ میکس برینٹ 38 اور محمد حارث رنز بنا کر ناٹ آؤٹ رہے۔
مچل اوون 1 جبکہ کپتان بابر اعظم 8 رنز بنا کر پویلین لوٹے،ملتان کی جانب سےشاہد عزیز نے 2 اور ڈیوڈ ولی نے ایک کھلاڑی کو آؤٹ کیا۔
اس سے قبل ملتان کرکٹ اسٹیڈیم میں ہونے والے میچ میں ملتان سلطانز کے کپتان محمد رضوان نے پشاور زلمی کیخلاف ٹاس جیت کر بیٹنگ کو ترجیح دی، تاہم پہلے بیٹنگ کرتے ہوئے ملتان سلطانز کی پوری ٹیم 19.1 اوورز میں 108 رنز بناکر پویلین لوٹ گئی۔
ملتان سلطانز کی جانب سے شائی ہوپ 23 اور طیب طاہر 22 رنز بنا کر نمایاں رہے، کپتان محمد رضوان نے 17اور یاسر خان نے 10، محمد حسنین نے 11 اور ڈیوڈ ویلی نے 8 رنز بنائے۔
جبکہ پشاور زلمی کی جانب سے احمد دانیال نے 3، معاذ صداقت اور لیوک ووڈ نے 2، 2 جبکہ الزاری جوزف، صائم ایوب اور علی رضا نے ایک ایک کھلاڑی کو پویلین کی راہ دیکھائی۔