پنجاب ایمرجنسی سروس ریسکیونے صوبہ بھر میں سول ڈیفنس کی تربیت کا آغاز کر دیا

لاہور: ہنگامی حالات کے پیش نظر پنجاب ایمرجنسی سروس ریسکیو(1122) صوبہ بھر میں سول ڈیفنس کی تربیت فراہم کر رہی ہے۔
اس حوالے سےسیکرٹری ایمرجنسی سروسزڈاکٹر رضوان نصیر کا کہنا ہے کہ گزشتہ 48 گھنٹوں میں 50 ہزار سے زائد لوگوں کو تربیت فراہم کی جا چکی ہے،تربیت کا مقصد کسی بھی ناگہانی صورت حال سے نبرد آزما ہونا ہے۔
انہوں نے کہا کہ طلبہ اور افراد معاشرہ کو زندگی بچانے اور ہنگامی انخلاء کی تربیت فراہم کی گئی،جس میں ایمرجنسی کے دوران خون روکنا،دل کی دھڑکن کو بحال کرنا، ہڈی ٹوٹنے اور گردن کی چوٹ کی فرسٹ ایڈ شامل ہے۔
سیکرٹری ایمرجنسی کا مزید کہنا تھا کہ معاشرے میں حقیقت کے قریب مشقوں کا مقصد لوگوں کو ہنگامی حالات میں احساس تحفظ فراہم کرنا ہے۔