پی ٹی آئی رہنما شاہ محمود قریشی کی طبیعت ناساز، اسپتال منتقل کر دیاگیا

لاہور: پاکستان تحریک انصاف(پی ٹی آئی) کے رہنما شاہ محمود قریشی کو طبیعت ناساز ہونے پر اسپتال منتقل کر دیا گیا۔
 تفصیلات کے مطابق سابق وزیر خارجہ شاہ محمود قریشی کو دل کی تکلیف ہونے پر جیل سے پی آئی سی منتقل کر دیا گیا۔
شاہ محمود قریشی کے وکیل رانا مدثر کے مطابق فجر کی نماز کے بعد شاہ محمود قریشی کو دل میں تکلیف ہوئی، جیل کے ڈاکٹروں نے معائنہ کیا، طبیعت نہ سنبھلنے پر شاہ محمود قریشی کو ریسکیو 1122 کے ذریعے پنجاب انسٹیٹوٹ آف کارڈیالوجی (پی آئی سی) منتقل کیا گیا۔
جیل انتظامیہ کی جانب سے شاہ محمود قریشی کے اہل خانہ کو بھی اطلاع دے دی گئی۔