افغانستان کی تمام فیصلہ کرنیوالی قوتوں کو یکجا کرنے کی کوشش کرہے ہیں ، وزیرخارجہ

شاہ محمود قریشی نے میڈیا سے گفتگو کرتے ہوئے کہا کہ ہم طالبان کی سینئر لیڈر شپ سے رابطہ کررہے ہیں اور اشرف غنی سے بھی رابطے میں ہیں جبکہ تمام فیصلہ کرنے والی قوتوں کو یکجا کرنے کی کوشش کررہے ہیں اور نہیں چاہتے کہ افغانستان  سول وار کا شکار ہوجائے ۔

یہ بھی پڑھیں : پاکستان میں عید کب ہوگی، محکمہ موسمیات نے پیشگوئی کردی

ان کا مزید کہناتھا کہ افغانستان کے امن اور استحکام سے سینٹرل ایشیا تک تجارت ہوسکے گی اور کل صبح تاجکستان کا دورہ کرونگاجبکہ تاجکستان کے بھی خدشات ہیں اور افغانستان کی صورتحال خراب ہوئی تو تاجکستان بھی متاثر ہوگا ۔

یہ بھی پڑھیں : این ڈی ایم اے کا مون سون کے حوالے سے الرٹ جاری

وزیرخارجہ کا کہناتھا کہ خطے کے دیگر ممالک سے بھی مشاورت کریں گے  اور انہیں اعتماد میں لیں گے ، کل امریکی وزیر خارجہ انتھونی بلنکن سےبڑے اچھے ماحول میں بات ہوئی ہے اور امریکی وزیرخارجہ  نے کہا پاکستان کو اہم ترین پارٹنر سمجھتے ہیں ۔

یہ بھی پڑھیں :دبئی میں دنیا کی سب سے بڑی بندر گاہ پر رات گئے زور دار دھماکہ

شاہ محمود قریشی نے بتایا کہ امریکی وزیر خارجہ کو کہا ہے کہ امریکہ سے تجارتی تعلقات بھی بڑھانا چاہتے ہیں جبکہ امریکہ اور پاکستان کا افغانستان میں ابجیکٹو ایک ہے اور عمران خان پہلے دن سے کہہ رہے تھے کہ بات چیت سے مسلہ حل ہوگا اور آج امریکہ  خود کہہ رہا ہے کہ افغانستان مسلے کا حل بات چیت سے ہوگا۔