یوروکپ کے فائنل میں آج انگلینڈ اور اٹلی مدمقابل ہونگے

تفصیلات کے مطابق یوروکپ 2021 کا فائنل میچ  آج انگلینڈ اور اٹلی کے درمیان کھیلا جائے گا ،میچ پاکستانی وقت کے مطابق رات 12 بجے شروع ہوگا یوروکپ کا فائنل لندن کے ویمبلی اسٹیڈیم میں کھیلا جائے گا ۔

یوروکپ کے سیمی فائنل میں اٹلی، سپین کو شکست دے کر فائنل میں پہنچا ہے جبکہ انگلینڈ کا ڈنمارک کے ساتھ ٹاکرا ہوا تھا انگلینڈ نے سیمی فائنل میں ڈنمارک کو دو ایک گول سے شکست دی تھی ۔

انگلینڈ کو اس میچ میں ہوم گرائونڈ کا فائدہ ہوگا ،تاہم کورونا ایس اوپیز کے پیش نظر برطانوی حکومت نے 60ہزار شائقین کو اسٹیڈیم داخلے کی اجازت دی ہے ۔

انگلینڈ نے آخری مرتبہ عالمی کپ کا فائنل 1966 میں اپنے نام کیا تھا ۔