راولپنڈی پریس کلب میں ڈرامہ  " خالی اسٹیج " پیش ، شائقین نے ڈرامہ کو بہترین قرار دے دیا

راولپنڈی پریس کلب میں ڈرامہ  " خالی اسٹیج " پیش کیا گیا۔ شائقین نے  ڈرامہ کو بہترین قرار دے دیا ۔

ڈولفن کمیونیکیشن کی پروڈکشن میں بننے والے اس ڈرامہ کو سی ای او  ڈولفن کمیونیکیشن  عاصمہ بٹ نے ڈائریکٹ کیا ،شائقین نے ایک مرتبہ پھر بہترین موضوع کے انتخاب پر عاصمہ بٹ اور ان کی ٹیم کو خوب داد دی ،پورا ہال تالیوں سے گونج اٹھا۔

عاصمہ بٹ نے میڈیا سے گفتگو کرتے ہوئے کہا کہ ایک وقت تھا کہ اسٹیج ڈرامہ دیکھنے کے لیے پڑھے لکھے افراد کی کثیر تعداد امڈ آتی تھی۔پہلے وقت میں اسٹیج ڈراموں میں ایک سبق ہوا کرتا تھا۔

جس میں معاشرتی برائیوں کو نہ صرف اجاگر کیا جاتا تھا ،بلکہ اصلاح بھی کی جاتی تھی۔ان تمام محرکات کو مد نظر رکھتے ہوئے میں نے یہ ڈرامہ عوام کے سامنے پیش کرنے کا فیصلہ کیا۔  وقار عظیم کے لکھے اس ڈرامے میں اداکار کلیم خان،جھلک علی،نور،عمران رشدی،شازیہ نے اداکاری کے جوہر دکھائے۔ سیاسی رہنما خالد سعید بٹ،شیخ تنویر،نعیم گل پاشا، شکیل اعوان نے خصوصی شرکت کی۔