شکارپور میں دو گروپوں کے درمیان فائرنگ، 4 افراد جاں بحق

سندھ کے ضلع شکارپور کے علاقے مدیجی میں دو مخالف گروپوں کے درمیان پرانی دشمنی کے باعث ہونے والی شدید فائرنگ کے نتیجے میں چار افراد جاں بحق ہو گئے۔

واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی اور علاقے کو گھیرے میں لے لیا۔ جاں بحق افراد کی لاشوں کو قریبی اسپتال منتقل کر دیا گیا ہے جہاں ضابطے کی کارروائی جاری ہے۔

پولیس حکام کا کہنا ہے کہ فائرنگ ممکنہ طور پر دیرینہ دشمنی کا شاخسانہ ہے، تاہم واقعے کی تحقیقات جاری ہیں۔ ملزمان کی گرفتاری کے لیے مختلف مقامات پر چھاپے مارے جا رہے ہیں۔