ایران کا "بشارت فتح" آپریشن، قطر، بحرین، کویت، عراق اور شام میں امریکی ایئربیسز پر میزائل حملے
ان حملوں کی وجہ سے جانی و مالی نقصان سے متعلق کوئی تصدیق نہیں ہوئی، نہ ہی ایران، امریکا یا قطر کی جانب سے کوئی ردعمل سامنے آیا ہے

ایران نے حالیہ امریکی حملوں کے جواب میں "بشارت فتح" آپریشن شروع کرتے ہوئے قطر، بحرین، کویت، عراق اور شام میں امریکی فوجی ایئربیسز پر میزائل حملے کر دیے ہیں۔
قطر میں امریکی فوجی اڈوں پر کم از کم 6 میزائل داغے گئے، جس سے دارالحکومت دوحہ میں کئی زوردار دھماکوں کی آوازیں سنی گئیں، جس نے شہریوں میں خوف و ہراس پھیلایا۔ اس دوران، متحدہ عرب امارات نے اپنی فضائی حدود کو بند کرنے کا فیصلہ کیا۔
عراق میں بھی امریکی فوجی اڈوں کو نشانہ بنایا گیا ہے۔ ایران نے قطر اور عراق میں امریکی فوجی اڈوں پر "بشارت فتح" نامی میزائل آپریشن شروع کیا، جس میں "یا ابا عبداللہ" کا کوڈ استعمال کیا گیا۔
اسرائیلی حکام نے بھی تصدیق کی ہے کہ ایران نے قطر میں موجود امریکی اڈوں کو براہ راست نشانہ بنایا ہے۔ اس سے قبل امریکی ویب سائٹ "ایکسئیوس" نے رپورٹ کیا تھا کہ ایران خطے میں امریکی تنصیبات کو نشانہ بنانے کی تیاری کر رہا ہے۔
ایران کے حملوں کے بعد عراق اور شام میں بھی امریکی اڈوں پر راکٹ فائر کیے جانے کی اطلاعات موصول ہو رہی ہیں۔ تاہم، ان حملوں کی تفصیلات اور نقصانات کی نوعیت تاحال واضح نہیں ہو سکی۔
تاہم، ان حملوں کی وجہ سے جانی و مالی نقصان سے متعلق کوئی تصدیق نہیں ہوئی، نہ ہی ایران، امریکا یا قطر کی جانب سے کوئی ردعمل سامنے آیا ہے۔
خیال رہے کہ چند گھنٹے قبل ہی قطر نے اپنی فضائی حدود کو غیر معینہ مدت تک بند کرنے کا اعلان کیا تھا اور شہریوں کی حفاظت کے لیے اسکولوں میں چھٹی کا اعلان کرتے ہوئے انہیں غیر ضروری باہر نہ نکلنے کی ہدایت کی تھی۔

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

پیٹرول اور ڈیزل کی نئی قیمتوں کا اعلان
- 2 days ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

پاکستان میں فی تولہ سونا ہزاروں روپے سستا ہوگیا
- a day ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago







