IAEA کی رپورٹ میں مزید انکشاف کیا گیا ہے کہ ایران نے ممکنہ امریکی فضائی حملوں سے پہلے اپنے جوہری مواد کو خفیہ مقامات پر منتقل کر دیا تھا


ایران کے پاس 60 فیصد تک افزودہ 408.6 کلوگرام یورینیم کا ذخیرہ دنیا بھر میں تشویش کا باعث بن رہا ہے۔
بین الاقوامی جوہری توانائی ایجنسی (IAEA) کی حالیہ رپورٹ کے مطابق، مئی 2025 تک ایران کے پاس یہ افزودہ یورینیم موجود تھا — جو تکنیکی طور پر جوہری ہتھیار بنانے کی صلاحیت کی سمت ایک نمایاں پیش رفت سمجھا جا رہا ہے۔
رپورٹ میں واضح کیا گیا ہے کہ 90 فیصد افزودہ یورینیم، جو مکمل ہتھیار سازی کے لیے درکار ہوتا ہے، تقریباً 10 جوہری ہتھیار بنانے کے لیے کافی ہوتا ہے۔ ایران کی موجودہ سطح 60 فیصد پر پہنچ چکی ہے، جو کہ بین الاقوامی طور پر پرامن جوہری پروگرام کی حدود سے تجاوز کرتی نظر آتی ہے۔
IAEA کی رپورٹ میں مزید انکشاف کیا گیا ہے کہ ایران نے ممکنہ امریکی فضائی حملوں سے پہلے اپنے جوہری مواد کو خفیہ مقامات پر منتقل کر دیا تھا۔
اس حوالے سے امریکی اور اسرائیلی حکام بھی تسلیم کر چکے ہیں کہ انہیں ایران میں موجود یورینیم کے موجودہ ٹھکانوں کا مکمل علم نہیں ہے، جو سیکیورٹی خدشات کو مزید بڑھا رہا ہے۔
پاکستان کی اقوام متحدہ میں سابق سفیر، ڈاکٹر ملیحہ لودھی نے صورتحال پر تبصرہ کرتے ہوئے کہا کہ "پہلے امریکا نے دعویٰ کیا کہ اس نے ایران کی جوہری صلاحیت کو ختم کر دیا ہے، اور اب وہی قوتیں اس پیش رفت پر تشویش ظاہر کر رہی ہیں۔"
ان کے بقول، اگر ایران واقعی اپنے افزودہ یورینیم کے ذخائر کو محفوظ رکھنے میں کامیاب رہا ہے تو یہ اس کے لیے ایک بڑی اسٹریٹجک کامیابی ہے، جو خطے میں توازنِ طاقت کے تصور کو ازسرِنو ترتیب دے سکتی ہے۔

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

پاکستان میں فی تولہ سونا ہزاروں روپے سستا ہوگیا
- a day ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

پیٹرول اور ڈیزل کی نئی قیمتوں کا اعلان
- 2 days ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago







