یواے ای کا اپنی ڈیجیٹل کرنسی متعارف کروانے کا اعلان

غیر ملکی خبر رساں ادارے کی رپورٹ میں کہا گیا ہے کہ یو اے ای  کی ڈیجیٹل کرنسی کا نام "گووکوائن " ہوگیا اور مرکزی بینک کی جانب سے تین سالہ منصوبے کا آغاز 2023 سے کیا جائے گا۔متحدہ عرب امارات مرکزی بینک ملک میں مالیاتی خدمات کے شعبے کو ڈیجیٹل بنانے کے لیے بھی اقدامات کرے گا اور اس سلسلے میں مصنوعی ذہانت اور بگ ڈیٹا سالوشنز کو بروئے کار لائے گا۔

رپورٹ میں کہا گیا ہے کہ  اس حکمت عملی کو اپنانے کی وجہ سے یو اے ای کے فنانشل سروسز سیکٹر کی ڈیجیٹل تبدیلی سمیت جدید ٹیکنالوجی جس میں آرٹیفیشل انٹیلی جنس اور وسیع پیمانے کے ڈیٹا کو بھی مدد حاصل ہوگی۔

خیال  رہے کہ 2019 میں سعودی عرب اور یو اے ای نے سرحد پار ترسیلات زر کے لیے اپنی مشترکہ کرپٹو کرنسی کے آزمائشی مرحلے کا اعلان کیا تھا۔