امریکی ریاست ٹیکساس میں تباہ کن سیلاب، ہلاکتیں 81 ہوگئیں، 41 افراد لاپتہ

ٹیکساس:امریکی ریاست ٹیکساس میں تباہ کن سیلاب کے نتیجے میں ہونے والی ہلاکتوں کی تعداد 81 ہوگئیں جبکہ 41 افرادتاحال لاپتہ ہیں،جن کی تلاش کے لیے آپریشن جاری ہے۔

امریکی میڈیا رپورٹس کے مطابق کیرکاونٹی میں 28 بچوں سمیت 68 ہلاکتیں ہوئیں،جہاں 10 لڑکیاں تاحال لاپتہ ہیں،ٹیکساس کے گورنر گریگ ایبٹ نے دیگر کاؤنٹیز میں کم از کم مزید 10 اموات کی تصدیق کی۔

ریسکیو حکام کا کہنا ہے کہ مزید ہلاکتوں کا خدشہ ہے،لاپتہ افراد کی تلاش کےلیے ریسکیو آپریشن جاری ہے۔

آئندہ 24 سے 48 گھنٹوں میں مزید طوفان کا امکان ہے۔

دوسری جانب  امریکی صدرڈونلڈ ٹرمپ نے سیلاب سے متاثرہ ریاست ٹیکساس کی کیر کاؤنٹی کو آفت زدہ قرار دے دیا ہے۔

امریکی صدر کے اقدام سے کیر کاؤنٹی میں متاثرہ افراد کو وفاقی فنڈنگ ​​مہیا ہو سکے گی، امداد میں عارضی رہائش اور گھر کی مرمت کے لیے گرانٹ، غیر بیمہ جائیداد کے نقصانات کے لیے کم لاگت والے قرضے بھی دیے جائیں گے۔