امریکہ کا یورپی یونین اور میکسیکو پر 30 فیصد ٹیرف عائد کرنے کا اعلان

امریکی صدر ڈونلڈ ٹرمپ نے یورپی یونین اور میکسیکو پر 30 فیصد ٹیرف عائد کرنے کا اعلان کردیا، جس کا نفاذ یکم اگست سے ہوگا، ڈونلڈ ٹرمپ نے فیصلے سے متعلق تجارتی خطوط سوشل میڈیا پر پوسٹ کردیئ۔

ٹرمپ نے یہ اعلان سوشل میڈیا پلیٹ فارم ٹروتھ سوشل پر بھی کیا، جس میں کہا گیا کہ امریکہ اپنی صنعت اور تجارتی مفادات کے تحفظ کے لیے یہ قدم اٹھا رہا ہے۔

سوشل میڈیا پوسٹ میں ٹرمپ کا کہنا ہے کہ یورپی یونین کی مصنوعات پر یکم اگست سے 30 فیصد ٹیکس لگائیں گے۔ میکسیکو سے آنے والی اشیاء پر بھی یکم اگست سے 30 فیصد ٹیکس عائد ہو گا۔

ٹرمپ کے ٹیرف عائد کرنے کے اعلان کے بعد یورپی یونین نے جوابی اقدامات کا اعلان کردیا۔

صدر یورپی کمیشن نے کہا امریکا کے ساتھ ٹیرف معاہدے کے لیے پرعزم ہیں تاہم ضروری ہوا تو مناسب جوابی اقدامات کریں گے۔