لکی مروت: بارش کے پانی میں نہاتے ہوئے4 بچے ڈوب کر جاں بحق

لکی مروت : صوبہ خیبر پختونخوا کے ضلع لکی مروت کے علاقے دولت خیل میں 4 بچے بارش کے پانی میں نہاتے ہوئے ڈوب کر جاں بحق ہو گئے۔

ریسکیو حکام کے مطابق جاں بحق ہونے والے بچوں کی عمریں 9 سے 12 سال کے درمیان تھیں، جاں بحق ہونے والوں بچوں میں 2، 2 سگے بھائی شامل ہیں۔

ریسکیو حکام کا کہنا ہے کہ بچے بارش کے پانی کے جوہڑ میں نہا رہے تھے،جن کی لاشیں نکال کر اسپتال منتقل کردی گئیں، جس کے بعد لواحقین کے حوالے کی جائیں گی۔