آئندہ 15 دن کے لیے پٹرول 6.6 روپے اور ہائی اسپیڈ ڈیزل5.27 روپےلیٹر مہنگا ہو سکتا ہے


ملک میں پٹرول اور ڈیزل کی قیمتوں میں ایک بار پھر اضافے کا امکان ہے۔ پیٹرولیم انڈسٹری کے اندازے کے مطابق 16 جولائی 2025 (بروز بدھ) سے آئندہ 15 دن کے لیے پٹرول 6 روپے 60 پیسے اور ہائی اسپیڈ ڈیزل 5 روپے 27 پیسے فی لیٹر مہنگا ہو سکتا ہے۔
میڈیا رپورٹس کے مطابق قیمتوں میں ممکنہ اضافے کی بنیاد عالمی منڈی میں قیمتوں کا اتار چڑھاؤ، کرنسی ریٹ ایڈجسٹمنٹ اور حکومتی محصولات کے اہداف پر رکھی گئی ہے۔
پٹرول پر پٹرولیم لیوی اور کاربن سرچارج ملا کر فی لیٹر 78 روپے 2 پیسے اور ہائی اسپیڈ ڈیزل پر 77 روپے 1 پیسے لاگو کیے جانے کی تجویز ہے۔ اس کے علاوہ ان لینڈ فریٹ ایکوالائزیشن مارجن (آئی ایف ای ایم) بھی پٹرول پر 8.89 روپے اور ڈیزل پر 6.04 روپے فی لیٹر شامل کیا گیا ہے۔
ایکسچینج ریٹ ایڈجسٹمنٹ کے تحت پٹرول پر 3 روپے اور ڈیزل پر 2 روپے فی لیٹر مزید بوجھ پڑ سکتا ہے۔ عالمی منڈی میں فی بیرل پٹرول پر 9.68 ڈالر اور ڈیزل پر 3.25 ڈالر پریمیئم کی بنیاد پر بھی تخمینے لگائے گئے ہیں۔
تخمینے کے مطابق اگر یہ مجوزہ اضافہ لاگو ہوا تو پٹرول کی موجودہ قیمت 266.79 روپے سے بڑھ کر 273.39 روپے فی لیٹر اور ہائی اسپیڈ ڈیزل کی قیمت 272.98 روپے سے بڑھ کر 278.25 روپے فی لیٹر ہو جائے گی۔
دوسری جانب مٹی کے تیل اور لائٹ ڈیزل آئل (ایل ڈی او) کی قیمتوں میں معمولی کمی کا امکان ہے۔ اندازے کے مطابق مٹی کے تیل کی قیمت میں 3.74 روپے (2 فیصد) اور لائٹ ڈیزل میں 2.23 روپے (1.3 فیصد) کمی متوقع ہے۔
واضح رہے کہ یکم جولائی کو بھی وفاقی حکومت نے پٹرول اور ڈیزل کی قیمتوں میں نمایاں اضافہ کیا تھا۔ اُس وقت پٹرول کی قیمت میں 8.36 روپے اور ڈیزل کی قیمت میں 10.39 روپے فی لیٹر کا اضافہ کیا گیا تھا، جس کی وجہ عالمی منڈی میں تیزی اور ایران اسرائیل کشیدگی کو قرار دیا گیا تھا۔
پاکستان اپنی پیٹرولیم ضروریات کا 85 فیصد ریفائنڈ پٹرول درآمد کرتا ہے، جبکہ صرف 15 فیصد خام تیل درآمد کیا جاتا ہے۔
آئل اینڈ گیس ریگولیٹری اتھارٹی (اوگرا) 15 جولائی کو اپنی سفارشات وزارت خزانہ کو ارسال کرے گی، جس کے بعد نئی قیمتوں کا سرکاری اعلان متوقع ہے۔

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

پیٹرول اور ڈیزل کی نئی قیمتوں کا اعلان
- 2 دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل






