خیبر پختونخوا اسمبلی: خواتین کی مخصوص نشست پر اے این پی نےٹاس جیت لیا

پشاور: خیبر پختونخوا اسمبلی میں خواتین کی مخصوص نشست پر عوامی نیشنل پارٹی (اے این پی) نے ٹاس جیت لیا۔

الیکشن کمیشن کے مطابق ٹاس جیت کر اے این پی کی شاہدہ وحید رکن خیبر پختونخوا اسمبلی  منتخب ہوگئی ہیں۔

الیکشن کمیشن کے مطابق خواتین کی مخصوص نشست پر اے این پی اور پی ٹی آئی پارلیمنٹیرین کے درمیان ٹاس ہوا تھا۔

دوسری جانب خیبرپختونخوا اسمبلی میں اقلیتی نشست کے معاملے پر ٹاس کی جگہ مسلم لیگ ن اور جے یو آئی میں افہام و تفہیم سے فیصلہ ہوگیا۔

یہ فیصلہ وزیراعظم ، مولانافضل الرحمان اور دونوں پارٹیوں کی مشاورت سےکیا گیا ہےجس کے بعد پاکستان مسلم لیگ ن ٹاس سے دستبردار ہوگئی اور نشست جے یو آئی کو مل گئی۔