چوتھا ٹی ٹوئنٹی : آسٹریلیا نےویسٹ انڈیز کو 4 رنز سے شکست دے دی

تفصیلات کے مطابق سینٹ لوشیا میں ہونے والے چوتھے ٹی ٹوئنٹی میں آسٹریلیا نے دلچسپ مقابلے کے بعد ویسٹ انڈیز کو شکست دے کر سیر یز میں پہلی کامیابی حاصل  کر لی ۔  آسٹریلیا نے مقررہ 20 اوورز میں 6 وکٹوں کے نقصان پر 189 رنز بنائے۔ میچل مارش نے 44 گیندوں پر 6 چھکوں اور 4 چوکوں کی مدد سے 75 رنز سکور کیے۔ آسٹریلوی کپتان ایرون فنچ نے 53 رنز بنائے ۔

میچ میں ویسٹ انڈیز کے باؤلر ہائیڈن والش   3 وکٹیں حاصل کرنے میں کامیاب رہے ۔ آسٹریلوی ٹیم کے جواب میں ویسٹ انڈیز کی ٹیم 6 وکٹوں کے نقصان پر 185 رنز بنا سکی اور آسڑیلیا نے دلچسپ مقابلے کے بعد میچ 4 رنز سے جیت لیا ۔ میچل مارش  3 وکٹیں حاصل  کر کے "مین آف دی میچ" قرار پائے۔