ڈھاکہ: بنگلہ دیشی ائیر فورس کا طیارہ گر کر تباہ،ایک شخص جاں بحق،متعدد زخمی

ڈھاکہ:  بنگلادیش ائیرفورس کا تربیتی طیارہ گر کر تباہ ہوگیا جس کے نتیجے میں ایک شخص ہلاک جبکہ 4 افراد کے زخمی ہو گئے۔

غیر ملکی میٖڈیا رپورٹ کے مطابق طیارہ دوران پرواز ڈھاکا میں کالج کیمپس کی عمارت کے قریب توازن کھو بیٹھا اور حادثے کا شکار ہوا یہ واقعہ ڈھاکہ کے شمالی علاقے اُتّرا میں پیش آیا۔

بنگلادیشی فضائیہ کے شعبہ تعلقاتِ عامہ نے ایک بیان میں اس واقعے کی تصدیق کرتے یوئے کہا کہ بنگلہ دیش ایئر فورس کا F-7 BGI تربیتی طیارہ اُتّرا میں گر کر تباہ ہوا۔ یہ طیارہ دوپہر ایک بج کر 6 منٹ پر روانہ ہوا تھا۔

مختلف ویڈیوز میں دکھایا گیا کہ کالج کے لان کے قریب ایک بڑی آگ لگی ہوئی دکھائی گئی، جہاں سے دھوئیں کے سیاہ بادل اٹھتے دکھائی دیے۔

میڈیا رپورٹ کے مطابق طیارہ حادثے میں کم از کم چار افراد زخمی ہوئے جنہیں علاقے کے ایک فوجی اسپتال منتقل کیا گیا۔

جبکہ حادثے کے فوری بعد ریسکیو آپریشن کا آغاز کر دیا گیا، فائر بریگڈ اہلکار آگ بجھانے میں مصروف ہیں۔