جنوبی وزیرستان میں چیک پوسٹ پر دہشتگرد حملہ ،4جوان شہید

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان  کے علاقے مکین  میں   سیکورٹی فورسز کی چیک پوسٹ پر دہشت گردوں نے حملہ کیا، جس کا  بروقت  جواب دیتے ہوئے سیکورٹی فورسز نے چاروں  دہشت گردوں کو ہلاک کر دیا، جبکہ   فائرنگ کے تبادلے میں  پاک فوج کے چار جوان شہید ہوگئے۔

آئی ایس پی آر کے مطابق شہید ہونے والوں میں لانس نائیک عمران علی، سپاہی عاطف جہانگیر، سپاہی انیس الرحمان اور سپاہی عزیز شامل ہیں۔سیکورٹی فورسز کی جانب سے علاقے میں کلیئرنس آپریشن  کیا گیا ۔