بلوچستان:7 اضلاع میں ضمنی بلدیاتی الیکشن، پولنگ کل ہو گی

کوئٹہ: بلو چستان کے 7 اضلاع میں ضمنی بلدیاتی انتخابات کے لیے پولنگ کل ہو گی۔

الیکشن کمیشن کے مطابق ضمنی بلدیاتی انتخابات میں مخصوص نشستوں کےلئے پولنگ صبح 8 سے شام 4 بجے تک ہوگی، بلوچستان کے 7 اضلاع میں ژوب، شیرانی، لورلائی، بارکھان، قلات، خضدار اور سوراب شامل ہیں ۔

 ذرائع الیکشن کمیشن نے بتایا کہ 16نشستوں پر ہونے والے انتخابات میں25 امیدوار حصہ لے رہے ہیں ،خواتین کی 6 نشستوں پر15اورمزدوروں کی 2 خالی نشستوں پر 4 امیدوار مد مقابل ہوں گے۔

اسی طرح کسان کی1 خالی نشست پر 3 اور غیر مسلم کی 7 نشستوں پر 3  امیدوار مد مقابل ہوں گے،انتخابات میں مجموعی طور پر 106 جنرل کونسلرز ووٹ ڈالیں گے۔