پشاور ہائی کورٹ سے زرتاج گل اور شبلی فراز کی 11 اگست تک حفاظتی ضمانت منظور

پشاور ہائی کورٹ نے 9 مئی کے مقدمات میں سزا یافتہ پی ٹی آئی کے سینئر رہنماؤں زرتاج گل اور شبلی فراز کی 11 اگست تک حفاظتی ضمانت منظور کر لی۔

فیصل آباد کی انسداد دہشت گردی عدالت کی جانب سے سنائی گئی سزا کے خلاف، دونوں رہنماؤں کو پشاور ہائی کورٹ نے عارضی ریلیف فراہم کرتے ہوئے حفاظتی ضمانت دے دی۔

عدالت نے محفوظ فیصلہ جاری کرتے ہوئے زرتاج گل اور شبلی فراز کو متعلقہ ہائی کورٹ میں اپیل دائر کرنے کی ہدایت بھی کی ہے۔

یاد رہے کہ گزشتہ ہفتے فیصل آباد کی انسداد دہشت گردی عدالت نے 9 مئی کے واقعے سے متعلق کیس میں دونوں رہنماؤں کو قید کی سزا سنائی تھی۔