بلوچستان کے مختلف شہروں میں موبائل انٹرنیٹ سروس معطل

کوئٹہ سمیت بلوچستان کے مختلف علاقوں میں موبائل انٹرنیٹ ڈیٹا سروس معطل کر دی گئی ہے۔

صوبائی حکام کے مطابق یہ اقدام سیکیورٹی خدشات کے باعث اٹھایا گیا ہے تاکہ کسی ممکنہ ناخوشگوار صورتحال سے بچا جا سکے۔

پاکستان ٹیلی کمیونیکیشن اتھارٹی (پی ٹی اے) کے مطابق انٹرنیٹ سروس بلوچستان کے متعدد شہروں میں بند ہے، جن میں کوہلو، چمن، قلعہ عبداللہ، پشین، لورالائی اور زیارت شامل ہیں۔

پی ٹی اے کے مطابق قلعہ سیف اللہ، نوشکی اور ہرنائی میں بھی انٹرنیٹ سروس عارضی طور پر معطل کر دی گئی ہے۔