وزیراعظم 31 اگست کوشنگھائی تعاون تنظیم کے اجلاس میں شرکت کے لیے چین روانہ ہوں گے
وزیر اعظم بیجنگ میں 4 ستمبر کو ہونے والی پہلی B2B سرمایہ کاری کانفرنس میں خصوصی شرکت کریں گے ۔


اسلام آباد: وزیراعظم شہباز شریف 31 اگست کو شنگھائی تعاون تنظیم (SCO) کی کانفرنس میں شرکت کے لیے چین روانہ ہوں گے، جہاں پاکستان کی جانب سے 4 ستمبر کو بیجنگ میں پہلی B2B سرمایہ کاری کانفرنس کا انعقاد کیا جائے گا۔
تفصیلات کے مطابق وزیر اعظم شہباز شریف 31 اگست کو چین کے سرکاری دورے پر روانہ ہونگے جہاں وہ شنگھائی تعاون تنظیم کے 25 ویں سربراہی اجلاس میں پاکستان کی نمائندگی کریں گے۔
اپنے دورہ چین میں شہباز شریف چینی دارالحکومت بیجنگ میں 4 ستمبر کو ہونے والی پہلی B2B سرمایہ کاری کانفرنس میں خصوصی شرکت کریں گے۔
یہ کانفرنس پاکستانی سفارت خانہ اور اسپیشل انویسٹمنٹ فیسلٹیشن کونسل (ایس آئی ایف سی) کی مشترکہ میزبانی میں منعقد کی جائے گی، اس کانفرنس کا مقصد پاکستان اور چین کے درمیان کاروباری تعلقات کو فروغ دینا اور پاکستان کی مختلف صنعتوں میں چینی سرمایہ کاروں کو راغب کرنا ہے۔
وزیراعظم شہباز شریف خود کانفرنس سے قبل ایک بریفنگ سیشن میں ان منصوبوں کا جائزہ لیں گے، جس میں تمام چیف سیکرٹریز کو منصوبوں کے اسکوپ اور سرمایہ کاری کی تفصیلات پر بریفنگ دینے کی ہدایت جاری کر دی گئی ہے۔
سرمایہ کاری کانفرنس میں ٹیکسٹائل، ایگریکلچر، اور آئی ٹی سیکٹر سے متعلق منصوبے پیش کیے جائیں گے جبکہ پاکستان کی جانب سے فارماسیوٹیکل، آئرن و اسٹیل، کیمیکل اور پاور اسٹوریج کے شعبوں میں سرمایہ کاری کی پیشکش متوقع ہے۔
حکومت کی طرف سےتمام صوبوں کو چین میں پیش کیے جانے والے سرمایہ کاری منصوبے فوری طور پر فراہم کرنے کی ہدایت دی گئی ہے۔
ذرائع کے مطابق ایس آئی ایف سی نے اس کانفرنس کو کامیاب بنانے کے لیے اپنے رابطے تیز کر دیے ہیں اور بھرپور تیاریوں کا آغاز ہو چکا ہے۔
حکام کا کہنا ہے کہ یہ کانفرنس نہ صرف پاکستان کی 8 بڑی صنعتوں کے فروغ کا ذریعہ بنے گی بلکہ پاکستان اور چین کے درمیان کاروباری تعاون کے ایک نئے باب کا آغاز بھی کرے گی۔
ایس آئی ایف سی کے تحت ہونے والی یہ پہلی B2B سرمایہ کاری کانفرنس پاکستان کی معیشت کو نئی جہت دینے کے لیے ایک اہم سنگ میل سمجھی جا رہی ہے۔

وزیر آباد میں فلڈ ریلیف کیمپ عارضی نکلا، مریم نواز کے دورے کے بعد متاثرین واپس، کیمپ بند
- 13 گھنٹے قبل

بنوں: دہشتگردوں کا بھاری ہتھیاروں سےپولیس چیک پوسٹ پر حملہ فوری جوابی کارروائی سے ناکام
- ایک گھنٹہ قبل

ملک میں ہفتہ وار مہنگائی کی شرح 3.57 فیصد تک جا پہنچی، ٹماٹر، آٹا اور چکن مزید مہنگے
- 13 گھنٹے قبل

قصور: ستلج میں تاریخ کا سب سےخطرناک سیلاب، شہرکو بچانےکا چیلنج درپیش ،پنجاب کے متعدد علاقوں زیر آب
- 33 منٹ قبل

ایس سی او اجلاس :وزیراعظم شہباز شریف 6 روزہ سرکاری دورے پر چین روانہ
- ایک گھنٹہ قبل

امریکا نے یوکرین کے لیے 179 ملین ڈالر کے فضائی دفاعی نظام کی منظوری دے دی
- ایک گھنٹہ قبل

سیلابی صورتحال کے باعث بلوچستان سے اندرون ملک کیلئے ٹرین سروس معطل
- ایک گھنٹہ قبل

حکومت کا سیلاب متاثرین کو بجلی بلوں میں ریلیف دینے کا فیصلہ
- 13 گھنٹے قبل

صدر مملکت نے پاکستان لینڈ پورٹ اتھارٹی بل 2025 کی منظوری دے دی
- 29 منٹ قبل

ایرانی صدر کا سیلاب متاثرین سے اظہارِ یکجہتی، پاکستان کو ہر ممکن مدد کی پیشکش
- 13 گھنٹے قبل

تحریک انصاف کے مزید ارکان کا کمیٹیوں سے استعفیٰ، پارٹی نے پارلیمانی عمل سے مکمل لاتعلقی اختیار کرلی
- 13 گھنٹے قبل

دریائے سندھ میں انتہائی اونچے درجے کے سیلاب کا خطرہ، این ڈی ایم اے کا ہنگامی الرٹ جاری
- 13 گھنٹے قبل