پاکستان ویمن فٹبال ٹیم کی عالمی درجہ بندی میں بہتری، پوائنٹس پہلی بار 1000 سے متجاوز

پاکستان ویمن فٹبال ٹیم کی فیفا عالمی درجہ بندی میں 3 درجے ترقی ہوئی ہے۔

فیفا ویمنز فٹبال کی تازہ جاری کردہ رینکنگ کے مطابق، پاکستان اب 154ویں پوزیشن پر آ گیا ہے، جبکہ گزشتہ درجہ بندی میں ٹیم 157ویں نمبر پر تھی۔

اس پیش رفت کے ساتھ پاکستان ویمن ٹیم نے پہلی بار ایک ہزار سے زائد رینکنگ پوائنٹس حاصل کیے ہیں۔

ٹیم کے موجودہ پوائنٹس 1007 ہیں، جو کہ حالیہ مقابلوں میں ٹیم کی بہتر کارکردگی کو ظاہر کرتے ہیں۔

واضح رہے کہ پاکستان ویمن ٹیم نے حالیہ ایشین کوالیفائرز میں انڈونیشیا اور کرغیزستان کے خلاف کامیابی حاصل کی تھی۔