آزاد کشمیر الیکشن کمیشن کاعلی امین گنڈا پور کو آزاد کشمیر کی حدود سے چلے جانے کا حکم

تفصیلات کے آزادکشمیر ا لیکشن کمیشن  نے  چیف سیکرٹری کو خط لکھ دیا ہے،خط کے مطابق آزاد کشمیر الیکشن کمیشن نےعلی امین گنڈا پور کو آزاد کشمیر کی حدود سے چلے جانے کا حکم دے دیا ہے۔

چیف سیکرٹری کو خط میں کہا گیا ہے کہ  علی امین گنڈا پور کی کشمیر میں جلسے جلوسوں میں شرکت ،تقریر پر پابندی ہے، وفاقی وزیرکی آزاد کشمیر میں تقریروں سے امن وامان کا مسئلہ پیدا ہو رہا ہے، اشتعال انگیز بیانات سے انسانی جانوں کے ضیاع کا  خدشہ ہے ۔

الیکشن کمیشن نے چیف سیکرٹری کوخط میں کہا ہے کہ  ضابط اخلاق کی خلاف ورزیوں پر پی ٹی آئی  امیدواروں  کیخلاف  کارروائی عمل میں لائی جا رہی ہے،الیکشن کمیشن نے چیف سیکرٹری کو حکم دیا ہے کہ  ہدایات پر فوری عملدرآمد کر کے رپورٹ پیش کی جائے۔