مسلسل تین روز کے اضافے کے بعد سونے کی قیمت میں نمایاں کمی،فی تولہ کتنے کا ہو گیا؟

کراچی: عالمی و مقامی مارکیٹوں میں مسلسل تین روز کے اضافے کے بعد سونے کی قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوںمیں سونے کی قیمت میں 300 روپے کی کمی ہوئی ہے جس کے بعد سونے کی فی تولہ قیمت 3 لاکھ62 ہزار 400 روپے ہوگئی۔

 اسی طرح 10 گرام سونے کی قیمت میں بھی 257 روپےکی کمی ریکارڈ کی گئی ہے جس کے دس گرام سونے کی نئی قیمت کم ہوکر 3 لاکھ 10ہزار 699 روپےہو گئی ہے۔

دوسری جانب عالمی بلین مارکیٹ میں سونے کی قیمت میں 3 ڈالر کی کمی ہوئی ہے جس کے بعد عالمی مارکیٹ میں سونے کی نئی 3397 ڈالر فی اونس ہو گئی ہے۔

خیال رہے کہ گزشتہ روز ملک میں سونے کی قیمت میں500 روپے جبکہ اس سے ایک روز قبل 2900روپے کا اضافہ ریکارڈ کیا گیا تھا۔