کرکٹر حیدر علی کی زیادتی کا الزام لگانے والی لڑکی سے معاملات طے ہونے کا امکان

پاکستانی کرکٹر حیدر علی اور ان پر زیادتی کا الزام لگانے والی لڑکی کے درمیان معاملات طے ہونے کا امکان ظاہر کیا جا رہا ہے۔ ذرائع کے مطابق مانچسٹر پولیس کے زیر تفتیش کیس میں دونوں فریق آپس میں رضا مندی سے مسئلہ حل کر سکتے ہیں، تاہم کرکٹر کو کیس کے مکمل خاتمے تک برطانیہ چھوڑنے کی اجازت نہیں دی جائے گی۔ یاد رہے کہ پاکستان کرکٹ بورڈ (پی سی بی) نے 7 اگست کو حیدر علی کو مبینہ زیادتی کے الزام پر عارضی معطلی کا سامنا کرنا پڑا تھا۔

 گریٹر مانچسٹر پولیس نے 4 اگست کو حیدر علی کو گرفتار کیا تھا اور ضمانت پر رہا کیا گیا تھا۔ پولیس کے ایک بیان میں بتایا گیا کہ 3 روز قبل ایک زیادتی کی رپورٹ موصول ہوئی جس کے بعد 24 سالہ ملزم کو گرفتار کیا گیا۔ مبینہ واقعہ بدھ، 23 جولائی 2025 کو مانچسٹر کے ایک مقام پر پیش آیا تھا۔ کیس کی موجودہ صورتحال کے پیش نظر دونوں کے درمیان مصالحت کے امکانات پر غور کیا جا رہا ہے۔