عالمی و مقامی مارکیٹ میں سونا ہزاروں روپے سستا،فی تولہ کتنے کا ہو گیا؟

کراچی : عالمی اور مقامی مارکیٹوں میں سونے کی قیمت میں آج بڑی کمی ریکارڈ کی گئی۔ 

آل پاکستان جیمز اینڈ جیولرز ایسوسی ایشن کے مطابق کاروباری ہفتے کےملک میں سونے کی قیمتوں میں کمی کا رحجان رہا جس سے مقامی سطح پر 24 قیراط کا حامل فی تولہ سونے کی قیمت 3ہزار 600روپے کی کمی سے 3لاکھ 58ہزار 800روپے کی سطح پر آگئی۔

اس کے علاوہ فی دس گرام سونے کی قیمت بھی 3ہزار 086روپے کم ہو کر 3لاکھ 07ہزار 613روپے کی سطح پر آگئی۔

 اسی طرح فی تولہ چاندی کی قیمت 51روپے کی کمی سے 4ہزار 013روپے اور دس گرام چاندی کی قیمت بھی 44روپے کی کمی سے 3ہزار 440روپے کی سطح پر آگئی۔

دوسری جانب عالمی بلین مارکیٹ میں فی اونس سونے کی قیمت 36ڈالر کی کمی سے 3ہزار 361ڈالر کی سطح پر آگئی۔