سونے کی قیمتوں میں مسلسل گراوٹ کا سلسلہ جاری، سینکڑوں روپے کی کمی

مقامی وعالمی مارکیٹ میں سونے کی قیمتوں میں کمی کا سلسلہ جاری ہے اور آج مسلسل تیسرے روز بھی سونا سستا ہوگیا۔

آل پاکستان صراف اینڈ جیولرز ایسوسی ایشن کے مطابق فی تولہ سونا 500 روپے کمی کے بعد 3 لاکھ 58 ہزار 300 روپے کا ہوگیا جبکہ دس گرام سونا 429 روپے سستا ہوکر 3 لاکھ 7 ہزار 184 روپے پر پہنچ گیا۔

عالمی مارکیٹ میں بھی کمی کا رجحان جاری رہاجہاں فی اونس سونا 5 ڈالر کم ہوکر 3356 ڈالر پر آگیا۔

واضح رہے کہ گزشتہ تین روز میں مقامی مارکیٹ میں فی تولہ سونے کی قیمت 4 ہزار 400 روپے اور عالمی سطح پر 44 ڈالر کم ہوچکی ہے، جس سے سرمایہ کاروں اور خریداروں دونوں کی توجہ اس اتار چڑھائو پر مرکوز ہے۔