انڈونیشیا کے صوبہ پاپوا میں 6.3 شدت کا زلزلہ،لوگوں میں خوف ہراس

 جکارتہ: جنوب مشرقی ایشیائی ملک انڈونیشیا کے مشرقی خطے پاپوا میں 6.3 شدت کا زلزلہ ریکارڈ کیا گیاجس سے لوگوں میں شدید خوف وہراس پھیل گیا۔

امریکی جیولوجیکل سروے کے مطابق اس زلزلے کے بعد سونامی کا کوئی خطرہ نہیں ہے۔

 زلزلہ مقامی وقت کے مطابق شام 5 بج کر 24 منٹ پر (0824 جی ایم ٹی) آیاجس کا مرکز پاپوا کے شہر ابی پورا (Abepura) سے تقریباً 193 کلومیٹر شمال مغرب میں واقع تھا۔

 پیسفک سونامی وارننگ سینٹر نے تصدیق کی کہ اس زلزلے کے بعد سونامی کا خطرہ موجود نہیں۔

دوسری جانب ریسکیوحکام کا کہنا ہے کہ ابھی تک کسی جانی یا مالی نقصان کی اطلاع موصول نہیں ہوئی۔

 ابتدائی طور پر USGS نے اس کی شدت 6.5 بتائی تھی لیکن بعد میں اسے کم کرکے 6.3 کر دیا گیا۔