صارفین کیلئے اچھی خبر،انسٹا گرام نے’میپ‘ کا فیچر متعارف کرا دیا

ویب ڈیسک : مشہور ویڈیو ز اینڈ فوٹوز شئیرنگ ایپ انسٹاگرام نے صارفین کو اچھی خبر سناتے ہوئے ان کے لیے ’’ میپ ‘‘ کا نیا فیچر متعارف کروا دیا ہے۔

ٹیکنالوجی کمپنی میٹا کی جانب سے اپنی ذیلی کمپنی کے لیے حال ہی میں متعدد نئی اپ ڈیٹس کا اعلان کیا گیا ہے جن میں ری پوسٹ کا فیچر بھی شامل ہے اور اس کے بعد اب میپ کے فیچر کا بھی اضافہ کیا جا رہا ہے۔

میٹا کے مطابق انسٹاگرام میپ کو استعمال کرتے ہوئے صارفین اپنے دوستوں کے ساتھ وہ لوکیشن شیئر کر سکیں گے جہاں سے وہ آخری بار ایکٹیو ہوئے ہوں گے۔

میٹا کے مطابق صارفین کے پاس یہ اختیار ہوگا کہ وہ اس فیچر کو کسی بھی وقت بند کر سکیں گیں۔

تاہم، دوسری جانب صارفین کی جانب سے انسٹاگرام کے اس اقدام کو پرائیویسی میں دخل اندازی قرار دیا جا رہا ہےاور اسے شدید تنقید کا نشانہ بنایا جا رہا ہے۔ 

سماجی رابطے کے پلیٹ فارم ایکس پر ایک صارف کا کہنا تھا کہ انسٹاگرام میپ کی وجہ سے کسی کی جان جائے گی۔