ٹیکساس میں جنرل اسٹور پر فائرنگ سے 3 افراد جاں بحق،متعدد زخمی ،ملزم گرفتار

آسٹن: امریکی ریاسٹ ٹیکساس کے شہر آسٹن میں ایک جنرل اسٹور پر فائرنگ کے نتیجے میں 3 افرا جاں بحق جبکہ ایک اہلکار سمیت 4 افراد زخمی ہوگئے۔

غیر ملکی میڈیا کےمطابق یہ فائرنگ کا افسوسناک واقعہ آسٹن شہر میں پیش آیا جہاں لوگ ایک جنرل اسٹور پر خریداری کے لیے مصروف تھے کہ ایک نامعلوم مسلح افراد نے فائرنگ کر دی جس کے نتیجے میں 3افراد جاں بحق جبکہ ایک سیکیورٹی اہلکار سمیت 4 افراد زخمی ہو گئے۔

میڈیا رپورٹس کے مطابق پولیس نے مبینہ حملہ آور کو گرفتار کرلیا ہے۔

ابتدائی تحقیقات کے بعد پولیس نے بتایا کہ 17سالہ ملزم نے معمولی جھگڑے پر جنرل اسٹور پر فائرنگ کی تھی، واقعے کی مزید تفتیش کی جارہی ہے۔

آسٹن پولیس حکام کا کہنا ہے کہ حملے کے بعد مشتبہ شخص نے ایک کار چھینی اور موقع سے فرار ہوگیا لیکن وہ کار حادثے کا شکار ہوگئی، اس کے بعد اس نے ایک اور گاڑی چرائی اور بالآخر جنوبی آسٹن میں پولیس نے اسے حراست میں لے لیا۔