قومی ٹیم کے دورہ ساؤتھ افریقہ کا شیڈول سامنے آگیا

پی سی بی کی جانب سے جاری پریس ریلیز کے مطابق قومی کرکٹ ٹیم اگلے ماہ کی 26 تاریخ کو جوہانسبرگ روانہ ہو گی، جہاں 2 ،4 اور 7 اپریل کو 3 ون ڈے انٹرنیشنل میچز کھیلے جائیں گے۔سیریز کا پہلا اور تیسرا ون ڈے انٹرنیشنل میچ پریٹوریا میں جب کہ دوسرا ون ڈے میچ جوہانسبرگ میں کھیلا جائے گا۔

بعد ازاں دونوں ٹیموں کے درمیان چار میچوں پر مشتمل ٹی ٹوئنٹی سیریز کھیلی جائے گی، ٹی ٹوئنٹی سیریز کا آغاز دس اپریل سے ہوگا، دوٹی ٹوئنٹی میچز جوہانسبرگ جبکہ دو پریٹوریا میں کھیلے جائیں گے۔

pic.twitter.com/kTspQKzm24

— Pakistan Cricket (@TheRealPCB) February 12, 2021

واضح رہے کہ اس وقت پروٹیز ٹیم دورہ پاکستان پر موجود ہیں، پاکستان نے جنوبی افریقا کو ٹیسٹ سیریز میں کلین سوئپ کیا ہے جبکہ پہلے ٹی ٹوئنٹی میچ میں بھی پاکستان نے مہمان ٹیم کو سنسنی خیز مقابلے کے بعد تین رنز سے شکست دیکر تین میچز کی سیریز میں ایک صفر کی برتری حاصل کرلی ہے۔