مسلم لیگ ن نے سینیٹ الیکشن کیلئے ناموں کو حتمی شکل دے دی

ذرائع کے مطابق مسلم لیگ ن نے سینیٹ الیکشن کے لیے امیدواروں کے ناموں کو حتمی شکل دیدی،مسلم لیگ ن نے تین جنرل ایک ٹیکنو کریٹ اور ایک خاتون  نشست کے لئے چار لیگی رہنماوں کا نتخاب کیا ہے ۔ مسلم لیگ ن نے جمیعت اہلحدیث کے سربراہ ساجد میر کو ٹکٹ دینے کا فیصلہ کیا ہے۔جبکہ راجہ ظفر الحق ،پروز رشیدکو بھی  دوبارہ ٹکٹ  دیدیا۔محمد زبیر کو پہلی بار پنجاب سے سینیٹ میں لایا جائے گا۔سائرہ افضل تارڑ خواتین کی نشست پر امیداوار ہوں گی۔ 

یاد رہے کہ ملک بھرمیں سینیٹ انتخابات 3 مارچ کو ہوں گے ، الیکشن کمیشن نے سینیٹ انتخابات کا شیڈول جاری کر دیا۔ الیکشن کمیشن 48 نشستوں پر انتخابات کرائے گا جن میں  اسلام آباد کی2 ، پنجاب کی 11 ، سندھ  11 ، خیبر پختونخواہ سے 12 اور بلوچستان کی 12 نشستیں شامل  ہیں ۔ الیکشن کمیشن کے مطابق چاروں صوبائی اسمبلیاں اور پارلیمنٹ ہاؤس کو پولنگ سٹیشن کا درجہ حاصل ہوگا۔