نئی دہلی میں پاکستانی ہائی کمیشن میں یومِ آزادی کی پروقار تقریب

بھارت میں قائم پاکستانی ہائی کمیشن میں یومِ آزادی پاکستان کے موقع پر پروقار تقریب کا انعقاد کیا گیا۔

اعلامیہ کے مطابق، پاکستانی ہائی کمشنر سعد احمد وڑائچ نے قومی پرچم کشائی کی، جس کے بعد تقریب کا آغاز تلاوتِ قرآنِ پاک سے ہوا۔

تقریب میں صدرِ مملکت اور وزیراعظم پاکستان کے خصوصی پیغامات پڑھ کر سنائے گئے، جب کہ ہائی کمشنر نے اپنے خطاب میں معرکۂ حق میں پاکستان کی کامیابی کو اجاگر کیا اور دو قومی نظریے کی اہمیت پر بھی روشنی ڈالی۔

تقریب کے دوران پاکستانی بچوں نے ملی نغمے اور ٹیبلوز پیش کیے، جنہیں شرکاء نے بھرپور سراہا۔