سینیٹ اجلاس: یومِ آزادی اشتہار میں قائداعظم کی تصویر غائب ہونے پر اپوزیشن کا شدید احتجاج
یوسف رضا گیلانی نے مزید کہا کہ سینیٹر عرفان صدیقی اور سرمد علی کو بھی 23 مارچ کو سول ایوارڈ تفویض کیا جائے گا


سینیٹ اجلاس کے دوران اپوزیشن ارکان نے حکومتی شخصیات کو سول ایوارڈ دیے جانے اور یومِ آزادی کے سرکاری اشتہار میں بانی پاکستان قائداعظم محمد علی جناح کی تصویر شامل نہ کرنے پر شدید احتجاج کیا۔
اجلاس کی صدارت چیئرمین سینیٹ یوسف رضا گیلانی نے کی، جنہوں نے ایوان کو آگاہ کیا کہ سینیٹ اراکین کو 14 اگست اور 23 مارچ کے موقع پر سول ایوارڈز دیے جائیں گے۔ انہوں نے بتایا کہ اسحاق ڈار، محسن نقوی، مصدق ملک، اعظم نذیر تارڑ، فیصل سبزاوری، شیری رحمان، سینیٹر بشریٰ انجم اور احد چیمہ ان شخصیات میں شامل ہیں جنہیں سول ایوارڈز سے نوازا جائے گا۔
یوسف رضا گیلانی نے مزید کہا کہ سینیٹر عرفان صدیقی اور سرمد علی کو بھی 23 مارچ کو سول ایوارڈ تفویض کیا جائے گا۔
تاہم، اس اعلان پر اپوزیشن اراکین نے شدید ردِعمل کا اظہار کیا۔ پی ٹی آئی کے سینیٹر فیصل جاوید نے سوال اٹھایا کہ ان ایوارڈز کی تقسیم کا معیار اور بنیاد کیا ہے؟ انہوں نے کہا کہ سابق وزیراعظم عمران خان نے اقوام متحدہ میں ناموس رسالت کا مسئلہ مؤثر انداز میں اٹھایا اور اسلاموفوبیا کے خلاف عالمی دن کے قیام میں مرکزی کردار ادا کیا، اس کے باوجود انہیں کیوں نظرانداز کیا گیا؟
فیصل جاوید نے یومِ آزادی کے سرکاری اشتہار پر بھی شدید تنقید کی اور کہا، "اشتہار میں پورے خاندان کی تصاویر شامل تھیں، مگر بانی پاکستان قائداعظم کی تصویر غائب تھی، جو کہ نہایت افسوسناک اور قابلِ مذمت ہے۔"
انہوں نے مطالبہ کیا کہ چیئرمین سینیٹ اس معاملے پر وضاحت طلب کریں، کیونکہ یہ اشتہار عوام کے ٹیکس سے تیار کیا گیا ہے اور اس میں ایسی غفلت ناقابل قبول ہے۔

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 days ago

پیٹرول اور ڈیزل کی قیمتوں میں کمی کا اعلان
- 12 days ago
پہلے ایل پی جی اوراب بجلی بم گرا دیا گیا
- 11 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 days ago

پولیس افسران کی ترقیوں کے خلاف پنجاب حکومت کی اپیلیں خارج
- 11 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 days ago



