Advertisement
پاکستان

دریائے سوات میں پھنسے 12 افراد کو بحفاظت ریسکیو کر لیا گیا، پاک فوج کا ریلیف آپریشن جاری

جن میں لوگوں کو ریسکیو کرنے کے ساتھ ساتھ راشن اور ادویات بھی فضائی راستے سے فراہم کی جا رہی ہیں

GNN Web Desk
شائع شدہ ایک سال قبل پر اگست 15 2025، 6:21 شام
ویب ڈیسک کے ذریعے
دریائے سوات میں پھنسے 12 افراد کو بحفاظت ریسکیو کر لیا گیا، پاک فوج کا ریلیف آپریشن جاری

ریسکیو حکام نے دریائے سوات میں آنے والے سیلابی ریلے میں پھنسے ہوئے 12 افراد کو بروقت اور محفوظ طریقے سے ریسکیو کر لیا۔

یہ واقعہ چارسدہ کے علاقے منڈا کے مقام پر پیش آیا، جہاں کچھ افراد سیلاب کے باعث پانی میں گھر گئے تھے اور ایک بلند ٹیلے پر پناہ لے رکھی تھی۔ ریسکیو ٹیموں نے فوری کارروائی کرتے ہوئے تمام افراد کو بحفاظت نکال لیا۔

ادھر پاک فوج کی جانب سے سوات اور باجوڑ کے سیلاب متاثرہ علاقوں میں ریلیف آپریشن جاری ہے۔ فوجی دستے متاثرہ علاقوں سے لوگوں کو محفوظ مقامات پر منتقل کر رہے ہیں۔

حکام کے مطابق باجوڑ میں امدادی کارروائیاں ہیلی کاپٹر کے ذریعے کی جا رہی ہیں، جن میں لوگوں کو ریسکیو کرنے کے ساتھ ساتھ راشن اور ادویات بھی فضائی راستے سے فراہم کی جا رہی ہیں۔

واضح رہے کہ ضلع باجوڑ کے علاقے جبراڑئی میں گزشتہ رات آنے والے شدید سیلابی ریلے کے باعث کئی مکانات تباہ ہو گئے تھے، جب کہ متعدد رابطہ سڑکیں اور پل بہہ گئے۔

Advertisement
رجحانات
Advertisement